alnazermam9

alnazermam9

رياضي ثقافي اجتماعي اخبار

منتديات النزير مام ناين WWW.ALNAZER.HOOXS.COM شـــــ النزيرالسودانيةــــــبــــــكــــــة ترحب بكم
مــــــــــــــــــــــرحبا بــــــــــــــــــــــــكم في شبـــــــــــــــــــــــــــــــــكة النزيركو السودانية

    عيــــــــــــــــــــــــنيك مــــــدن

    شاطر

    alnazer
    Admin

    عدد المساهمات : 101
    تاريخ التسجيل : 04/04/2011
    العمر : 25

    عيــــــــــــــــــــــــنيك مــــــدن

    مُساهمة من طرف alnazer في الجمعة أبريل 22, 2011 1:46 am

    عينيك مدن
    عينيك مدن
    منسية فى كتب التواريخ والزمن
    عينيك وطن
    مشدود على وتر التباريح والشجن
    مشدود على حروف الكتابة
    مكدود عَنا .. ومكتول صبابة
    وفيهو حطّ النيل .. سكنْ
    ***********
    عينيك سفر
    مكتوب أعيش فى غربتو
    وأعشق عذابو .. وحُرقَتو
    وليلو الطويل
    وأتخيـّلك يا حلوة زى نسمة سحر
    جيتى ومعاك .. حلمى المطوِّل منتظر .. وعدو الجميل
    عشقك زمان .. جوّاى رحل
    وإتناهى فى الأعماق .. أمل
    ضمخ رؤاى .. إحساس نبيل
    أذهل طيوف خاطرى القبيل
    .. جاشت ملامحك روعتو
    وضجّ السكون .. فى وحشتو
    والكان أمل فى عيونى .. لاح
    ذوب مدارات فرحة الوهج النضير
    المزدهر .. بالإرتياح
    .. فجأة إنحصد قبضة رياح
    وسكت الكلام يا حلوة .. فى القول المباح
    وغام الصباح .. بعدِك رحل
    **********
    والكان أمل فى غيم سماك .. أيقنت إنـّو عدم بلاك
    وإنـِّك قدر
    وإنـّو البيحلم بى عُلاكْ
    بختار ظروف أحلاها .. مُر
    عينيكى لو تصدق معايا الأمنية
    عينيكى .. لو أعرف خِتام الأغنية
    بدء الكلام .. والمنتهى .. المستطاب والمشتهى
    كل المباهج الفى المواويل .. والغنا
    والعاشقيك قلبى .. وأنا
    هزتنا فى عينيك تصاوير المنى
    يا أمنيات من كم سنة
    يا أغنيات كل الأماسى .. المستحيلة .. وممكنة
    المستحيل عينيك تهون
    البستحيل قلبك .. يخون
    ما الغدر ما طبع الوفا
    والصدق ما شرط .. إنتفى
    وأنا حالى فى بعدك .. كفى
    وأنا حالى من بعدك كفاهو ..
    المغنى والحب .. والشجن
    والوحشة والشوق للوطن
    ما العمر قبلك ضاع سدىً
    والعمر بعدك أيه يكون
    ... لو يبقى بى حساب الزمن ..

      الوقت/التاريخ الآن هو الخميس يونيو 29, 2017 8:06 am